അപ്രതീക്ഷിതമായെത്തുന്ന ചില അപകടങ്ങള്‍ ചിലപ്പോള്‍ ആളുകളുടെ ജീവിതം തന്നെ അവസാനിപ്പിക്കാറുണ്ട്.
പലപ്പോഴും ആളുകള്‍ ഇത്തരം അപകടങ്ങളില്‍ നിന്ന് രക്ഷപ്പെടുന്നത് ഭാഗ്യത്തിന്റെ കൂടെ പിന്തുണയോടെയാണ്.
ബൈക്ക് യാത്രകളില്‍ ഹെല്‍മറ്റ് ധരിയ്ക്കേണ്ടതിന്റെ പ്രാധാന്യത്തെ ഓര്‍മ്മപ്പെടുത്തുന്ന ഒരു അപകടത്തിന്റെ വീഡിയോയാണ് സോഷ്യല്‍ മീഡിയയില്‍ വൈറലാകുന്നത്.
സ്‌കൂട്ടറില്‍ യാത്ര ചെയ്ത യുവതിയുടെ തലയിലേക്ക് തേങ്ങ വീഴുന്ന വീഡിയോയാണ് പുറത്ത് വന്നത്.
മലേഷ്യയിലെ ജെലാന്‍ തേലൂക്ക് കുംബാറിലായിരുന്നു സംഭവം. സ്‌കൂട്ടറിന്റെ പിന്നിലിരുന്നു സഞ്ചരിച്ച യുവതിയുടെ തലയിലേക്ക് തേങ്ങ വീഴുന്ന വീഡിയോയാണ് പുറത്ത് വന്നത്.
തേങ്ങ തലയിലിടിച്ച് യുവതി റോഡിലേക്കു വീഴുന്നതും ഹെല്‍മറ്റ് തെറിച്ചു പോകുന്നതും വീഡിയോയില്‍ കാണാം.
ആളുകള്‍ ഓടിക്കൂടി ഇവരെ സഹായിക്കുന്നതും ദൃശ്യങ്ങളിലുണ്ട്. ഹെല്‍മെറ്റ് ധരിച്ചിരുന്നതിനാല്‍ മാത്രമാണ് യുവതി രക്ഷപ്പെട്ടതെന്നാണ് ഡോക്ടര്‍മാര്‍ പറയുന്നത്.
സ്‌കൂട്ടറിന് പിറകില്‍ സഞ്ചരിച്ചിരുന്ന കാറിന്റെ ഡാഷ്‌ബോര്‍ഡ് ക്യാമറയിലാണ് ഈ ദൃശ്യങ്ങള്‍ പതിഞ്ഞത്.
